سولف..

جيــب سيرتي للناس بالزين

يـا شيـن !

قول :

طيبة كانت ..حلوة كانت

مثل الشمس..مثل الورد

حبتني..حبتني وايد !

***

الأم ما تشيل ولدها أكثر من تسع شهور..

هي شالتني بعينها أربــع سنين ..

ومثل الدمعة..مثل الوليد..اختزلت روحي منها ..!

***

سولف..قول

حبيبتي ما عرفت تختار !

حبيبتي دايم عيبها سوء الاختيار !

حبيبتي بحماقة "الفراش" تختار النار ..!

***

قول حبيبتي ودعتها من غير وداع ..

من غير برقية ،رسالة أو سلام ..!

حبيبتي جافيتها لين مات الجــفا

وقالت..

روح يا جراح !!

يا لطيــف اللطفـ

يــا لطيــف اللـطف الطف بنـا

يا مستعان

يا ميســر كل عسيـر يســر أمورنـا

عسـاكم

عسـاكم ما نسيـتوني ...عساكـم

عسى ما مر هوى ...بعدي وخذاكـم !

يا جرح يومين وتطيب !

ليش..بعد كل حالة حب تنتابني، حالة كره تجتاحني..؟!

ليش ما تقدر حبي، خوفي واهتمامي ؟!

تتمنى نسياني ؟

مو سهل ..صدقني مو سهل نسياني !

تبيه يكون آخر كلام وآخر لقا؟

روح تعبت انا ..

تعبت كل يوم لك رفيجة !

"بشاير و فيّ و أمينة !"

لا بشاير أخلصت

ولا فيّ وفت

و أمينة أنت ما تستاهلها !

خاين وما تقدر وفا ..

مو كفو ..مو كفو الطهر والعفـة !

روح...

الفرق بيننا فرق الأرض عن السما

يا قاسي دوري أنا أقسى..

يا ناسي دوري أنا أنسى..

يا جرح يومين وتطيب !!

يا جرح مصخت وصار مالك معنى !

يا جرح شلته بقلبي اربع سنين

يه اليوم اللي من قلبي تطيح !