المهم ما عدت أعرفك...والا أنا ما أعرفني ؟!
حبيبي شاللي صار ؟
ليش وصلتني لهذا الابهام !
أنت و صلتني و إلا أنا وصلت ؟!
أصلاً أنا منهو و منهو انت ؟!
***
أحلامي...ماصدقت !
و بيتنا اللي ما انبني..انهدم !
وانا ؟ يمكن تغيرت!
بس أنا بعدي "فلانة" اللي خبرت !
معادلة هذي ؟؟
لا..! فكر شوي!
عنواني ما زال الوفا و الأمل و الصـبر..
عرفت وش قصدت ؟!
***
تسـألني عن إحساسي و الشعر؟
مؤخراً انا شكتبت ؟
يا نظر عيني..نسيت إني انذبحت ؟
أبياتي مكسورة..! كيف لا و انا انكسرت!!
عينك من الدهشة توسعت..ليه أنا نحبت !
نحبت على حالي اللي به انت غدرت !
