وتساءلت اذا بعدي أغليك ؟!
تالي صحيت..وتذكرت
قبل أمس ..قبل لا نتناجر ونتعاير
وقبل لا تتشمت باللي صار قبل اربع سنين
تذكرت ولا عمري تمنيت ثوب أبيض
والمهر ؟ طلبت عمرك مهر
وتذكرت "بجرنا راشد..أبوك تمناك تكون بو راشد..
طلبتك الثاني اترك اسمه لي ..
بسميه جراح .."
"جراح؟ يعني ولدنا اسمه جراح جراح ؟!"
آخ يا جرحي ..آخ يا جرح العمر
يا جرح السنين والواقع المر
آخ لو تدري لو تدري
بس أكيد انت تدري
ولا تحتاج لشرحي ..
واليوم وباكر ؟
أعيش على أمل في مهده مقتول ؟
و بترجع ...أكيد بترجع
بس لما ترجع بنقول .".ما عاد بدري "
ونتحسر على عنادنا اليوم ونقول
والله كنا يهال ..
آخ يا جرح العمر ..
تعال شوف ..
و إلا ..أكيد انت شايف والا مو محتاج تشوف ؟!
يا جرحي ..يا جرح العمر
ليش تحب تشوف خاطري مجروح ؟
ودايم تحب صوتي يكون مبحوح ؟
يمكن بعد يومين .. يمكن أكثر بشوي
ترجع وتقول كنت معصب سامحيني يا كل العمر
وشبقى فيني ؟ شبقى ؟
دمعي آنا مليته..
عتابي انت مليته..
شبقى يالجرح ؟
شبقى ؟
صبرت وتالي صبري ؟
صبري ملني مو انا مليته ..
وبعد صبري هم بتصبر ..
واتصبر ..
لين تدزلي عمرك مهر ..
وان ما رجعت ؟
وإن ظليت طول عمرك تكابر
و انا أكابر ؟
بنتظر ..وانتظر
لين شعري الأسود يتنصع بالشيب ..
وتلقى اسمي مكتوب بآخر صفحة بالجريدة..
وتذكر ..
كان دايم عندي أمل ..
وتذكر قلبٍ تمنى يكون بيتك ..
ليتني..ليتني بيتك يا ليت
آخ يا القدر..انت القدر
تذكّر عينٍ تكحلت لأجلك
تذكّر جدايل تربت لأجلك
وتذكّر دفاتر انكتبت لأجلك
وتذكّر عمرٍ عشته لأجلك
عمري يفداك
يا جرحي ..يا جرح العمر
أخاف ترجع و أقول ما عاد بدري
أخاف ترجع وتلقى قلبي اللي كان بيتك ..
ما عاد بيتك..
ما عاد بيتك ..
أخاف ترجع وما تلقاني ..
آنا اللي حبيتك
ليست هناك تعليقات:
إرسال تعليق